Deomp, deomp, deomp, deomp, deomp, deomp d'ar gad!
Deomp kar, deomp breur, deomp mab, deomp tad!
Deomp, deomp, deomp holl, deomp 'ta tud vat!

Mab ar c'hadour a lavare
Lavare d'e dad, ur beure :
"Marc'hegerien war lein ar bre !"

Marc'hegerien o vont e-biou
Mirc'hed dindane, glas o liv,
Oc'h hinteal gant ar riv !

Stank-ha-stank, c'hwec'h-ha-c'hwec'h, e ri
Stank-ha-stank, e ri tri-ha-tri
Mil goaf ouzh an heol o lintriñ

Stank-ha-stank, e ri, daou-ha-daou,
O vont da heul ar banieloù
Hag a vrañsell glan an Ankou

Nav bant roug an daou benn ane'e
Bagad Arzhur, e goaran, eo
Arzhur a-raok lein ar menez

"Mar 'mañ Arzhur an hini eo
Prim d'hor gwareg ha d'hor gwall vev
Ha rak d'e heul, ha flimm ra flev !"

Oa ket e c'her laosket a-grenn
Pa drouzkrozas ar youc'hadenn
Hed ar menezioù penn-da-benn

"Kalon am lagad ! penn am brec'h !
Ha lazh am bloñs, ha traoñ ha krec'h
Ha tad am mab, ha mamm am merc'h !

Marc'h am kazeg, ha mul am az' !
Penn-lu am mael, ha den am gwaz !
Gwad am daeroù, ha tan am c'hwezh !

Ha tri am unan, evit mat !
Traoñ ha krec'h, noz-deiz, mar gell pad
Ken a redo en traoñioù gwad !

Er stourmat treuzet mar kouezhomp
Gant hor gwad en em badezfomp
Ha laouen galon a varfomp

Mar marvomp evel ma dleet
D'ar gristenien, d'ar Vretoned,
Morse na varvimp re abred !"