I
Savet, savet, Bretoned
Setu ar mintin o tonet
An Anjelus a zo sonet
'Barzh en lein an tour
Ar parkoù, an trevajoù
Al liorzhoù hag ar prajoù
Ar gwaremmoù hag ar c'hoajoù
A c'halv d'al labour
Krogomp holl gant hon devezh
Kasomp al loened er maez
Hardi, mevel ha matezh
Holl d'en em sikour
Savet, savet, Bretoned
Setu ar mintin o tonet
An Anjelus a zo sonet
'Barzh en lein an tour

II
Poaniet, poaniet, Bretoned,
Setu ar c'hreisteiz o tonet
An Anjelus a zo sonet
'Barzh en lein an tour
Pep hini a gemero
Kalon da doullañ e erv
Hag ar c'horfoù a vo derv
Pa vint el labour
Pa ziwano an hadenn
Ar bed en do bara melen
Pa zarevo an avalenn
'Vo evet chistr flour
Poaniet, poaniet, Bretoned,
Setu ar c'hreisteiz o tonet
An Anjelus a zo sonet
'Barzh en lein an tour

III
Kousket, kousket, Bretoned
Setu an noz du o tonet
An Anjelus a zo sonet
'Barzh en lein an tour
Hadet eo an trevajoù
Falc'het eo bet ar prajoù
Diskourret eo ar c'hoajoù
N'eus bet den leizhour
Echuet eo an devezh
Prennet eo an tiegezh
Skuizh eo mevel ha matezh
Kousket, kousket, Bretoned
Setu an noz du o tonet
An Anjelus a zo sonet
'Barzh en lein an tour