Ur c'habiten yaouank eus a Vontroulez
A zo bet marvet e vestrez (bis)

Pa'z erruas ar c'heloù gantañ
E oa deus an daol o koaniañ (bis)

Hag ez erruas ur mesajer
Gantañ en e zorn zo ul lizher

"Kemerit kador hag azezit,
Setu ho lizher, hag hen lennit !

- Me n'eo ket na lizher na paper
A rafe din-me kemer kador !"

Oa ket al lizher digoret mat
Ma ruilhe an dour deus e zaoulagad

Oa ket al lizher hanter lennet
Etre e zaouzorn oa distrempet !

"M'am bije bet a-raok ar c'heloù-mañ
Vijen ket deut amañ da goaniañ !

Rag e Lannuon zo ur bennherez
Hag em c'halon-me oa rouanez

Setu hi marv, me a chom bremañ
War he lerc'h e-barzh ar bed-mañ"