Cheleuet tud ieuank, hag er ré gouh eùé
Hag er ré gouh eùé
Hui gleuo ur soñnen, kompozet a neùé (bis)

Hui gleuo ur soñnen, a neùé kompozet,
Diar zeu zén ieuank, larér, é ma saùet

Diar zeu zén ieuank, larér, é ma saùet
Ind um garé fidél, ind um garé parfet

Ind um garé fidél, ind um garé parfet
P'um garent er guellan, é oent dispartiet

P'um garent er guellan, é oent dispartiet
Arriù en ord geton, na de Vrest de vonet

Arriù en ord geton, na de Vrest de vonet
De dremen er seih vlé hag en doé komanset

Chetu deit er seih vlé, un eihvet komanset,
Dén ieuank en armé, ér gér n'arriùé ket

Dén ieuank en armé, ér gér n'arriùé ket
Er voéz-sé oé ieuank, hi oeit ha diméet

Er voéz-sé oé ieuank, hi oeit ha diméet
Noz ketan hé éred, ean oeit hag arriùet

Noz ketan hé éred, ean oeit hag arriùet
Monet de zal hé dor, de houlen bout lonjet

"Saùet, men dous Mari, de zigor d'ein en or
Ma hou kuelan karet é houlen hé digor

- Soñnet é unek eur, tuchant e vo kreisnoz
Na pép dén a féson zeli bout 'n é repoz...

- Saùet, men dous Mari, de zigor d'ein en or
Ma hou kuelan karet é houlen hé digor

- Ma men guellan karet doh me hosté kousket
Héneoah en noz ketan surhoalh ne saùein ket !

- Saùet, men dous Mari, de zigor d'ein en or
D' rein d'ein men goalen eur ha me feillen d'amour

- E ma kou koalen eur hag hou feillen d'amour
E tremen er seih vlé, 'ti hou prér tavarnour"