Intron Santéz Anna, goarnet hou Pretoned,
Goulennet drest pep tra, ma veint fidél perpet

1. Aveit-omp péh ur gloér, ha péh ul leùiné,
Men dé deit d'hor hemér, aveit hé bugalé !

2. Aveit omb-ni é ma hé haranté vrasan;
Aveit omb-ni é hra hé burhudeu kaeran

3. Pégement a ré klan en des doh-ti rekour,
Hag én drougeu goahan e gav geti sekour !

4. Pet guéh hé des rantet, o madeleh hemp par !
D'er ré dal er guéled, er hleùed d'er ré boar !

5. Pet guéh ar er mor bras de dud e ia da goll
P'hé fedant, é tigas aùél mat én un taul !

6. Ne vern get pé sort gloéz é veheh ankinet,
Hi e huella torh és d'er horv ha d'er spered

7. Tud iaouank hag e ven a zevri chervij Doué,
Deit amen de houlen féhein er fallanté

8. Pédet, mameu tinér, aveit hou pugalé ;
Doh-ti keméret skuér : hi zou bet mam eùé

9. Er guerhiézed geti perpet vou cheleuet :
Mam er Huerhiéz Vari e gar er guerhiézed

10. Ha hui, labourizion, get er poénieu goasket,
Pedet hi a galon : hui é hé des choéjet

11. Tud a vor, p'um gavet é kreiz er goal amzer
Geti bean goulennet hou tennein a zanjér !

12. Drest-oh a pe saùou er mor é houlenneu
Dehi, eit m'hou koarnou, gloestret hou kaloneu

13. Intron Santez Anna, eit jamés trugéré !
Get joé ni e hrata mont d'hou kuélet pep plé

14. Avél ur perhinded é tremén hur buhé,
El-dou é ma kalet ha groñnet a dristé !

15. Goarnet hur haloneu, goarnet er Vretoned :
Reit d'hur bugalégeu mont liés d'hou kuélet !

Gellein e hrér laret en diskan-men én inour de santéz Anna :
O Rouañnéz en Arvor,
O Mamm lan a druhé,
Ar en doar, ar er mor,
Goarnet hou pugalé