Kantig war ar gomunion
Cantique pour la communion 		 


Version 1


Aelez eus ar baradoz, sellit pebezh enor
A ra deomp er sakramant Jesus, hon Redemptor
Ur wech evit hor prenañ ez eo bet inkarnet
Hag evit dont d'hor magañ, ganeomp e chom bepred

Mari, gwir vamm da Zoue, Mari, va mamm dener,
Va sikourit da resev ho Mab ha va Salver.
Me ned on siwazh netra, netra nemet pec'hed,
Med ennoc'h ec'h esperann, 0 va mamm benniget.

Krouer an Neñv, an douar, war an aoter, bemdez,
Dre gomz nerzhus ar beleg, a ziskenn eus an neñv,
Un Doue, kalz uheloc'h eget ar firmamant,
En em izelañ dindan spesoù ar sakramant.

Un Doue ne chañch jamez e-pad an holl amzer,
Un Doue war balv e zorn a zoug ar bed antier,
En em lez dre ar beleg da vezañ diblaset,
Evit diskenn e kalon ar paourañ 'zoug ar bed.

Version 2

O aelez ar baradoz, sellit war an aoter
Ha gwelit pebezh enor a ra deomp hor Salver
Ur wech, evit hor prenañ, eo bet en em c'hraet den
Ha bemdez 'vit hor magañ eus an neñv e tiskenn

Mari, gwir Vamm da Zoue, Mari, va Mamm dener,
Va sikourit da resev ho Mab hag hor Salver
Me ned on, siwazh !, netra, netra nemet pec'hed
Met ennoc'h am eus fiziañs, o va Mamm benniget

Krouer an Neñv, an douar, Doue holl-c'halloudek,
A ziskenn war an aoter dre gomzoù ar beleg
Un Doue kalz uheloc'h eget an holl stered
Dindan spesoù ken dister a zo 'n em izelaet

An Doue a chom atav er memes stad eürus
Hag a zoug ar bed krouet war balv e zorn nerzhus
En em lez dre ar beleg da vezañ dougennet
Evit diskenn e kalon ar paourañ zo er bed

O burzhud ar souezhusañ e-touez ar burzhudoù
O burzhud na c'hell kompren ar c'hareañ sperejoù !
Evit gounit kalonoù ho pugale divad
O magit, o va Jezuz, gant ho korf hag ho kwad

Le sujet

Cantique de communion, aux paroles pleines de ferveur :

"Anges du Paradis, voyez quel honneur nous fait dans le sacrement Jesus, notre Rédempteur. Pour nous racheter, il s'est incarné, et pour venir nous nourrir, il reste toujours avec nous"

Source

Version 1 : "20 chansons bretonnes, harmonisées par G Arnoux", publié en 1933 aux éditions Henry Lemoine

Version 2 : "Cantiques bretons", recueillis par le Père Abjean, publié en 1983