|
Metig
Metig |
|
Tud yaouank a Vreizh-Izel, didostait da glevet (bis)
An istor eus va daeroù (la lo, la la la lo, la la la la la lo) ha ma foanioù kalet (bis)
Me zo ur c'hloareg yaouank eus eskopti Kemper (bis)
O vont d'ober e studi (la lo...) e skolaj Landreger (bis)
E bord ar mor on ganet, 'barzh bro Sant Gwenole
Ha biskoazh nemet glac'har ne'm eus bet em buhez
Glac'har a wir garantez, setu va flanedenn
Planedenn rust ha kalet da heuliañ penn-da-benn
Pa oan em bugaleaj, va mamm baour alies
A lavare din "Va mab, kar ha ped ar Werc'hez"
"Ped anezhi, va mabig, ped Gwerc'hez Remungol
M'he fedez a wir galon, ned i jamez da goll"
He fedet am eus bepred, ha bremañ 'raok mervel
Me 'gano he meuleudioù d'am breudeur Breizh-Izel
Pa gimiadis diouzh va zud 'vit mont pell diouzh ar gêr
Evit mont war ar studi da skolaj Landreger
Ne oan ket 'met pemzek vloaz, me a ouele dourek
Rak evidon ne oa ken, siwazh, a eürusted
O tostaat ouzh Landreger, me 'gavas ur plac'hig
Koant evel un ael Doue, hec'h anv oa Metig
D'ar gouent e ya ivez, 'vel ma 'c'h an d'ar studi
He c'halon a oa mantret kement ha va hini
"Salud deoc'h, plac'hig yaouank", a lavaris dezhi
"Eveldon oc'h ankeniet o kuitaat tud ho ti
Ho tornig flour em dornig lakit gant karantez
Evit ma vimp eürusoc'h o ouelañ asambles"
Ar plac'hig a lavaras : "O kloareg Gwenole
Pedomp Doue alies an eil 'vit egile"
Er joa koulz en anken, dalc'hit soñj a Vetig
Eus a-vremañ da viken ez eo ho mestrezig"
Erru e kêr Landreger, erru e penn hon hent
Me 'voe kaset d'ar skolaj ha Metig d'ar gouent
An disparti 'oa kalet, c'hwerv hag ankenius
An eürusted er bed-mañ n'eo ket un dra badus
Dre ma chomis er skolaj, skeudenn dous Metig kaezh
E-pad an noz dirazon a zeue alies
Neuze e peden Doue ha sent kozh Breizh-Izel
'Vit ma vijemp 'n hor buhez laouen, eürus, santel
Le sujet
Un jeune clerc, de l'évêché de Quimper, quitte sa famille pour se rendre au collège de Tréguier. En chemin, il rencontre une jeune fille, "belle comme un ange de Dieu", qui s'appelle Metig. Elle va entrer au couvent. Ils pleurent ensemble sur leur sort, puis se séparent pour toujours, en se promettant de ne jamais s'oublier
Source
Cette chanson figure sur le recueil "Kanomp Uhel", édité par Coop Breizh
Editions Coop Breizh : KERANGWENN 29450 SPEZET
Librairies : 10, rue du Maine à Paris 14ème et 17, rue de Penhoët à Rennes