Me ‘m oa choazet ur vestrez, deus parrez Kanihuel
Ar vravan krouadurez a oa krouet gant Doue

Ar vravan krouadurez ‘oa krouet hon Salver
Mont a raen d’he c’has d’ar gêr, (a)lies pa mije amzer

Mont a raen d’he c’has d’ar gêr, (a)lies pa mije c’hoant
Ne oan ket ‘vit he lemel, diwar ma santimant

Ne oan ket ‘vit he lemel, diwar boan ma spered
Ma c’halon a oa ganti, na kazimant goune’et

Ma c’halon a oa ganti, kazimant goune’et
Toud an dud a lare din a ‘moa bet amzer gollet

Ha daoust d’an amzer gollet, me ne oan ket fachet
Kar me am eus graet al lez da fleurenn ar merc’hed

Da fleurenn ar merc’hed koant, hep droug komz eus hani
M’eus ket kavet he farrez ‘lec’h ma c’haen da vale

Na baleet am eus graet, partoud dre he c’halon
Ha netra n’am eus kavet, nemet konsolasion

Ha netra n’am eus kavet, kement a ziskonjole
Nemet ur galon kontant ha leun a garantez

Ho kalon-c’hwi, plac’h yaouank, a zo parfetamant
Ha biskoazh n’am eus gallet klevet ho santimant

Ha biskoazh n’am eus gallet klevet ho polontez
‘Vit klevet ho santimant, c’hwi lare din bemdez

‘Peus ket soñj ‘ta ma mestrez, pa oan er skol e Kemper
‘Vit klevet ho santimant e skriven deoc’h ul lizher

E skriven deoc’h lizherioù da di ho mamm hag ho tad
Ho preured, ho c’hoarezed, toud deuson-me a rae goap

Ho preudeur, ho c’hoarezed, dre an asambleoù
‘Dije plijadur a-walc’h oc’h ober goap ac’hanon

Ma breudeur, ma c’hoarezed raint ket traoù a mod-se
Met an teodoù milliget vez bemdez o vale