Me garje kavet ur c'honsort
A deufe da welet un dort
E roul lon tra la la dire
E roul lon tra la diraino

An dort a lar e time'o
N'euz forzh gant piv ha pa garo

An dort a lar e time'o
Gwinked ar gamm pezh a garo

Savet oe 'r partach un devezh
Da sevel he lod d'an dortez

Ur c'hog bihan ha div bolez
Zo degoue'et gant an dortez

Div gozh skul bri ur gozh ribot
Pennad brasañ eus ur vazh yod

Div gozh loa sten, ur fourchetenn
Hanter vrasañ ur skubelenn

Pa oen dime'et hag eureujet
N'oa bet soner bet 'n em eured

Donet em zi ur pikol razh
Gant un daboulin ha div vazh

Antren em zi ur pissiklo
Ha gantañ ur sac'h binioù

Antren em zi ur logodenn
Ganti ur pennad bombardenn

Sailhas eun tamm foeltr kazh en ti
Hag eñ tagañ 'r sonerien d'i

M'am bije bet ur pennad bazh
Am me torret e benn d'ar c'hazh

Ma vije bet penn bazh en ti
'Vent ket taget 'sonerien d'i !